Ekainaren 17tik 21ra diska berriaren maketa bat grabatzen izan gara Arrasateko Shot estudioan. 11 kantu izan dira, baina ziur datorren urrian grabatuko ditugun diska berrian aldaketak eta kantu berriak sartzen ditugula Iñaki Bengoak (GOSE) emandako aholku eta ideiekin.

Taldearen asmoa urrian beste diska bat grabatzea da. Hirugarren diska izango litzateke -Bizkaiko golfoak (2010), Lehen lerroan (2011)- eta bostgarren aldia estudio batetik pasatzen garena. 2008an lehen maketa grabatu genuen Ondarroako Santos Records-en eta 2012ko urtarrilean Basque of Brixton EP-a kaleratu genuen.

Diska berria Durangoko Azokarekin batera argitaratuko litzateke.

Uda garaian sartu gara eta kontzertuz gainezka datoz hurrengo asteak. Hainbat herri eta txokotatik igaro gara, baina oraindik ere ezusteko politak bizitzen ditugu.

Ekainaren 27an Barañainen izan ginen eta bertan Skabidean taldeko kideak ezagutu genituen. Iruñerriako gazte talde bat da eta “Gu gara” kantuaren bertsioa jotzen dute youtube-n eskegitako bideo batean. Plazer bat!

Hasta la mañana siempre! Gora la yihad!

Oharra: Barañaingo jaietatik pasatu beharra dago hil aurretik

Hurrengo geltokiak:

-Aramaio (ekainak 29, goizeko 2.30etan): Willis Drumond eta Lisabo arituko dira gure aurretik

-Mundaka (ekainak 30, 23.45): Casus Belli hasiko da 22.30eta)

-Busturia (uztailak 6)

eta …….