Itziarren Semeak ska punk bandak ere Kopako finala jokatzen du ostiralean. Atsedenaldian arituko gara. Aupa Athletic!!!

Lehen zatia bukatzerakoan zelairatuko gara San Mamesen, EITBk ezarritako baldintzak bete beharko ditugu eta bederatzi minutu bakarrik izango ditugu taula gainean. 100.000 watioko soiñu ekipoa egongo da, beraz gure mezua helarazteko ohiartzun nahikoa izango dugu.

Kontzertu berezia izango denez, deialdian ere taldekide berriak izango ditugu alboan. Azken orduko fitxaketa sorpresa eta guzti!!!

Bielsak bezala, hamaikakoa definititu daukagu eta kontzertuz kontzertu landua. Unai “The Berg” arituko da atezain bezala -txikitako ametsa bete eta guanteak jartzeko aukera izango du San Mamesen-, Jebi Job-ek lagunduko dio defentsa lanetan baxuarekin eta zelai erdian Manex Zlatan ibiliko da gitarrarekin jokoa banatuz. Hegaletan hiru “haizelari” arituko dira erdiraketak egiten: Tronpas, Irkus eta John Kaiman. Eta, beti bezala, golak egiteaz Ibon arduratuko da aurrekaldean.

Hori gutxi balitz, jokoari saltsa jartzen, Mirentxuren Alabak eta lagun gehiago izango dira.

Egitaraua

Arratsaldeko 20.00etan irekiko dituzte San Mameseko ateak eta Rafa Rueda izango da lehenengo musikaria taularatzen 20.40etan. Gure herriko musikaria, gitarra jotzen irakatsi diguna.

El Mentón de Fogarty, 21.00etan aterako da eta Zea Mays 21.25etan.

Beraz, oraingoan piztu telebista eta Adi egon seinaleari!!

Mugi gerria eta Aurrera bolie!!!

Beste alde abtetik, larunbateko ordutegiak ere ezagutzen ditugu. 18.30etan egingo dugu soiñu froga Irunen eta gure kontzertua 23.15etan hasiko da. Aurretik Lehiotikan izango da eta gure ostean Esne Beltza.

On egin!!!